Wezîrê Ewlehiya Neteweyî yê rastgir ê tund ê Îsraîlê Itamar Ben-Gvir, planên avakirina wargehên cihûyan li başûrê Libnanê ragihand. Ben-Gvir, her wiha banga dagirkirina tevahiya Şerîaya Rojava kir.

Ev daxuyanî, di çalakiya "Roja Qudsê" ku di sala 1967’an de ji hêla Îsraîlê ve hat dagirkirin de, hatin dayîn. Wezîra Darayî ya rastgir Bezalel Smotrich jî beşdarî çalakiyê bû.

Ben-Gvir, di daxuyaniya xwe de diyar kir ku ji bo koçberkirina Filîstiniyên li Xeza û Şerîaya Rojava planên teşwîqkirinê amade kirine. Ben-Gvir got, "Hemû axa Îsraîlê ya me ye."

Artêşa Îsraîlê, heta niha li herêmên tampon ên li başûrê Libnanê hebûna xwe didomîne. Her çend hikûmeta Îsraîlê bi fermî dibêje ku armancên berfirehkirina axa wê tune ne jî, hin komên rastgir ên tund diyar dikin ku divê warên cihûyan li herêmê bên avakirin.

Hat ragihandin ku di şerê ku ji 2’yê Adarê ve didomin de 19 leşkerên Îsraîlî û sivîlek hatine kuştin.

Li gorî rayedarên Libnanê, di êrîşên Îsraîlê de zêdetirî 2 hezar û 800 kes ku di nav de zêdetirî 200 zarok jî heyî, jiyana xwe ji dest dane.